منار .. حاضر يا نوسة معلش شيلتك همى
نوسة .. بطلى عبط انتى حتة من قلبى ابت دا لولا ابوكى كان زمانى اتزوجت الزفت حسين وقټلته ودخلت السچن ومكنش بقى ليكى خالة ومرأت اب قمر زيي
منار .. ربنا يخليكى ليا يا كل الناس
نوسة .. يلا عمى مصلحى نزل الشنط وحطها فى التاكسى
منار .. هاجيب الشنطة اللى فيها اوراقى المهمة بسرعة
نوسة.. انا حطيتها فى الشنطة الكبيرة
منار .. يلا توكلنا عليك يارب بقولك بلاش عمى مصلحى يعرف احنا رايحين فين
نوسة .. عارفه اللى فى دماغك علشان كدة قولت له اننا هنسافر عند الموكوس اخوكى
منار .. جدعة يا نوسة طب والسواق ممكن يكون يعرف عمى مصلحيى ويقوله
نوسة .. تصدقى ابت انت مخك جامد ولا يهمك احنا نخلية يوصلنا للموقف ومن هناك ناخد تاكسى تانى
منار .. حبيبتى يا اطيب خالتو
نوسة .. وانت قلب خالتك عمى مصلحى خلى بالك الشقة امانة لحد ما نرجع
مصلحى البواب .. على فين ان شاء الله
نوسة .. مصطفى بعت لينا زيارة عنده ويمكن نغيب شوية واداى رقم خالى لو فى اى حاجة
مصلحى .. تمام يا هوانم غريب خلى بالك منهم
غريب سائق التاكسى .. حاضر يا عمى مصلحيى
نوسة .. اشوفك على خير
يا عمى مصلحى
مصلحى .. طريق السلامة
غريب .. على المطار صح
نوسة .. لا يا اسطى على الموقف زمان مرأت مصطفى على وصول هنسافر مع بعض
غريب .. عيونى هانتظر معاكم لحد الهانم ما توصل علشان اوصلكم
نوسة .. تشكر يا اسطى ربنا يكفيك شړ طريقك
منار .. مش مصدقة انى هاشوف مصطفى دوحشنى اوى
نوسة .. على قولك ياحبيبتى ولا نرجس مرأتة وبنته
منار .. هنا
يااسطى تشكر هارد على الفون يانوسة
نوسة .. خد دول كمان تشكر يااسطى
غريب .. بعد انزال الشنطة سلام عليكم توصلوا بالسلامة
منار .. بصوت مرتفع بعض الشيئ تمام احنا فى انتظارك ياقلبى واغلقت الفون
نوسة .. جدعة ابت انا هاشوف الاخ الغريب دة مشى ولا منتظر يشوفنا هنروح فين واجيب بسكويت وزجاجة مية
منار .. دا شكله مشى
نوسة .. زيادة تأكيد
عماد .. اهلا يا برنس اركب عوزك فى مصلحة
مراد زوج عزيزة اخت طارق وكانت زميلة منار فى الجامعة .. تحت امرك المهم غدوة حلوة وتظبيط دماغى
عماد .. كل طلباتك موجودة هههههه اركب
مراد .. ركبنا على فين كدة
عماد .. متقلقش هارجعك بدرى
مراد .. تحت امرك يانجم خلى بالك عندى ميعاد مع برنسيسة عجب بالليل
عماد .. طب والمدام تعرف انك واطى للدرجة دى
مراد .. طالما انى مريحها ومعيشها فى عالم الاحلام يبقى مش بتسأل لا رايح فين ولا جاى منين
عماد .. دا انت استاذ ورئيس قسم بقااا الواحد عاوز يتعلم منك
مراد .. انا مستعد اخدك معايا واعيشك فى دنيا الاحلام بشرط الدراهم تكون موجودة
عماد .. انزل ياكبير ولد يا هانى الجماعة واصلوا
هانى .. ايوة يا استاذ منتظرين حضرتك
عماد .. اتفضل معايا
مراد .. هو فى اية انا حاسس ان فى حاجة غلط
منصور صاحب عماد وطارق من الاعدادى.. ليلتنا فل ان شاء الله
عماد .. حضرتوا المطلوب
مراد .. معطلكمش انا ماشى
عماد .. لا ياخفيف دخول الحمام مش زى خروجوه
منصور .. ليك وحشة يا غالى هم كلمتين واجابتك يترتب عليها يا تطلع من هنا برنس زى كدة يا تخرج على المشرحة
مراد .. دى شكلها ليلة ملغمة هو فى ايه
عماد .. احكى ازاى اتعرفت على عزيزة اخت طارق وليه قبلت تتزوجها رغم انك اتقدمت ليها قبل كدة واخوها رفضك
مراد .. اظن ان دة شيئ يخصنى انا وعزيزة وبس
عماد .. لا يا حيلتها د كان زمان انما دلوقت فى ناس بريئة انظلمت بسبب كدبكم فيهتتكلم بالذوق ولا اخلى حيدر يتصرف معاك
مراد .. هو فى ايه افهم وانا هقول
حيدر .. انت تتكلم ولا عاوز تدلع انا معنديش مانع ادلعك دانت وحشنى لدرجة نفسى احضنك واكسر عضامك وضغط على كتفة جامد تحب تجرب
مراد .. لا انا فى عرضك انا مش حملك
عماد .. كده انت برنس هات كرسى وتعالى جنبى وجاوب على كل اسئلتى
مراد .. حاضر تحت امرك
عماد .. هات الفون اللى معاك يا منصور عوز اسجل كلام الاخ دة
منصور .. اتفضل وانا هاعمل شاى اعمل حسابكم
عماد .. تشكر اقفل الباب وراك
منصور .. حاضر لو شميت ريحة غدر منه نادى علينا هنتصرف معاه
عماد .. دشكله مؤدب وهيسمع الكلام
مراد .. هو فى اية واية دخل مرأتى فى الموضوع
عماد .. اللى اعرفه ان مرأتك كان ليها علاقة بواحد معندهوش ضمير اسمه مصطفى جابر محمد الطحاوى وانه غلط معاها وبعدين سافر وانت جايت زى الحمل الوديع وشلت الليلة
مراد .. ما انت عارف الحكاية والمفروض انت كنت حاضر وكمان انت عارف ان طارق رفضنى مرتين قبل كدة ولما الاخ دة ضحك على عزيزة جيت اتقدمت تانى وشيلت غلطة غيرى عارف ليه
عماد .. لا مش عارف عرفنى ممكن
مراد .. علشان انا بحب عزيزة وهى كمان بتحبنى
عماد .. دة شيئ ميخصنيش انا كل اللى يخصينى اعرف الحقيقة
مراد .. اللى هى..
حيدر .. ضربه على وش مراد رد عدل على سيدك ياحيوان
مراد .. حاضر بس اعرف هو عاوز يعرف ايه وانا اجاوب
عماد .. ايه اللى كان بينك وبين عزيزة قبل الزواج وليه كنت مصمم تتزوجها رغم ان اخوها رفضك مرتين قبل كدة
مراد .. هاقول بس بلاش ضړب
عماد .. تجاوب وبصراحة
مراد .. انا اعرف عزيزة من اولى كلية ممكن نتكلم لوحدنا
حيدر .. ضربه هروح اجيب سلك علشان اكهربه
مراد .. خلاص هتكلم بعد سنة اولى كلية كنت بكلم عزيزة فون على طول واحيانآ كنا بنتقابل لما طارق اخوها بيكون مسافر وعلى اول سنة تانية فى يوم عزيزة كلمتنى وهى بتبكى و
فلااااااااااش
مراد .. مالك يا بنتى بتبكى ليه ما انتى كنتى مبسوطة وانتى مرواحة اكنش حسدك هههه
عزيزة .. طارق ضربنى وقالى مفيش كلية
مراد .. ليه كل دة هو انتى عملتى ايه
عزيزة .. كان فايت ياخدنى لاقينى بهزر معاك
مراد .. وبعدين فى اخواكى ده اقولك انا هاروح له اطلب ايدك منة اية رأيك
عزيزة .. طب ازاى وانت لا شغل ولا شقة
مراد .. البركة فيكى ما انتى هتسنيدينى صح ياقمر
عزيزة .. عيونى ما انا اللى قايمة بالواجب من يوم ما عرفتك
مراد .. احبك وانت مطيعة هالبس واروح لاخوكى هو فى البيت ولا
عزيزة .. لا هو مش
هنا هو فى المكتب
مراد .. اطمنى انا رايح له المكتب
عزيزة .. منحرمش منك
مراد .. ورحت لطارق وطلبت ايد عزيزة وهو رفضنى وطردنى من مكتبة وبعد عشر ايام عزيزة رجعت الكلية واول ما شافتنى شاورت ليه وخرجت من الكلية وانا وراها ورحنا لشقة واحد صاحبى وبعدين اتزوجتها عرفى بورقتين وفضلوا معايا
باااااااااك
عماد .. نهارك اسود ياحيوان وضربه
مراد .. طب وانا كنت هاعمل ايه هى اترمت فى حضنى وطلبت منى اتزوجها
عماد .. وايه حكاية مصطفى جابر اللى هو اخو منار جابر زميلتكم
مراد .. دى حكاية من تأليف عزيزة علشان هى حاولت كتير مع منار اخته انها تصاحب شباب ومنار رفضت وكانت ديما بتنتقض اسلوب وسلوك عزيزة
عماد.. واللى اسمها منار دى ظروفها اية
مراد .. شهادة حق كانت بنت بمية راجل بتشتغل وبتذاكر فى نفس الوقت مكنش ليها فى سكك عزيزة وده اللى خلى عزيزة تتغاظ منها
عماد .. وتكذب عليها وتتهم مصطفى اخوها انه اعتدى عليها
مراد .. ايوة وكنا مرتبين انى اتقدم ليها وانا متأكد ان طارق ما هيصدق يلاقى حد يتستر على اختة وده اللى حصل وكمان خلانى اعيش فى شقة فى البيت مش كده وبس كمان شغلنى معاه فى المكتب
عماد .. انتم شياطين حيدر وضبه وبعد كدة ارميه فى اى مقلب زباله
منصور .. غالى والطلب رخيص
حيدر .. تعالى يا واطى ومسكة
لمتابعة قراءة تتمة القصة اضغط على الرقم 5 في السطر التالي👇👇
