نبدأ بتفاصيل الخبر 👈 : هنا #سورية
صرلي يومين عم مر من جنب اللحام وعم شوف عارض فروج ني .. وكاتب عليه 12 الف ..
و اليوم كنت راجعة عالبيت ومعي 15 ألف وبدي جيب فيهم الطبخة .. صفنت شوي قلت لحالي أقل أقل طبخة عم تكلف 15 ألف .. روحي يا بنت اطبشيهاااا و جيبي فروج ني ب12 الف وكيلو بطاطا و خلي زوجك وولادك يتغذوا والله قلبهم نشف يعليي ..
المهم اشتريت كيلو بطاطا ب2500 ليرة و ماشية بإتجاه بياع الفروج والقلوب عم تطلع من عيوني هيك 😍 وصرت ابتسم للعالم بالشارع باللاشعور .. وبعضهم فكروني مجنونة .. وصاروا يضحكوا بوجهي ..
ومن كتر فرحتي وسعادتي كان إلي قلب امسك ميكروفون و احكي للكل اني رايحة اشتري فروج .. وصرت اتحزر شو بدي اطبخو .. يا ترى اذا طبختو بمرقة وبطاطا وجنبو رز أحسن .. أو اذا عملتو مسحب بالفرن وجنبو صحن بطاطا مقلية أحسن .. ! بس اتذكرت انه ماعندي زيت للقلي .. ولا عندي رز بالبيت ..
وصرت إضرب أخماس بأسداس .. مشان زبط طبخة ظريفة لعيلتي .. وصلت عالمحل وبكل شموخ و وقار بفوت بقلو لو سمحت عطيني هاد الفروج اللي عارضو هون 😎.. اجا هالبياع وحطو عالميزان وقلي 35 ألف مدام .. أنا صرت هيك 😳😰😧😮😣 😬🙄😯😪
و فورااااا دارتلي انه سعر الكيلو 12 ألف .. وهاد الفروج وزنو حوالي كيليين ونص 🤦♀️
وضاعت الأحلام كلها بثواااني .. وضاعت الضحكة .. و راح الشموخ .. و اتذكرت حلقة بقعة ضوء تبع فروج فروج فروج .. اتذكرت بكل ألم لما أول مرة شفنا هالحلقة أديش استغربنا هالشي .. و صرنا نقول .. اي معقووووول يعني مو قدرانين يشتروا فروج .. و لما اشتروه عملوه ع كذا طبخة .. و حتى العضم جففوه وعملوه ماجي ..!!
أتاري هالشي صح .. وحقيقي وعم نعيشو ونعيش أسوأ منو كمان .. للأسف ..
رحت اشتريت كيلو لبن وكيلو بطاطا تاني و ماجي .. وقررت اعمل مفركة بطاطا 🥺
